Granit Xhaka chuan Bayer Leverkusen aṭangin Premier League-a kaisang thar Sunderland in a zawm fel ta. Xhaka transfer manah hian Sunderland hian pound maktaduai 17.3 seng in, kum thum daih contract an ziahpui.
Sunderland hian an midfield-ah Arsenal captain hlui, experience nei tha tawh tak Xhaka hi an tangkai pui hle in a rinawm a, Premier League a cham tur a an beihna ah a pui hle in a rinawm. Xhaka hian Germany a kum 2 a cham chhungin a khel tha hle a, Bayer Leverkusen chu Bundesliga leh DFB-Pokal a chawi pui a ni.
Sunderland hian transfer market-ah an che na chho hle a, Xhaka hi tun nipui bazar chhunga an lakluh thar pasarih zinga pakhat a ni a, an sum hman zawng zawng hi pound maktaduai 114 a tling tawh.