Bryan Mbeumo (£8.0m): Season hmasa khan che tha hle mahse team thar join a ni a, a in adapt thei nghal dawn em tih a la chiang lo. Tin, season hmasa a a goal 25% kha penalty spot atanga a thun a ni. United-in Bruno Fernandes an neihsa avangin penalty pet tu ber a nih theih a rinawm loh.Tin, United match hmasa ho han en phei hi chuan Mbeumo hi first draft a lak chi ber a ni awm lo ve.
Nicolas Jackson (£6.5m): Jackson hi season tan tirh Aug 22 thleng a khel thei lo tura hrem a la ni. Chelsea forward hian season hmasa khan point 121 a score a, mahse Joao Pedro leh Liam Delap te an rawn luh hnuah khelhna hun a chan tam a rinawm loh. Kum 24 mi hi Chelsea atana chhuak thei reng a nih bawk avangin a dinhmun a la chiang lo va, first draft a telh a fuh ber awm lo ve.
Emiliano Martínez (£5.0m): Jackson ang thovin Martinez pawh hi suspend a la ni a, Newcastle United nen an intum hunah a inlan thei lo phawt. A ni pawh hi season hmasa lamah tha viau mahse tun dinhmunah chuan lak nghal loh a him rih ang.
Son Heung-min (£8.5m): Son hian season hmasa khan 129 points a score a, Tottenham tan Premier League-ah 65% chiah a start. South Korean icon hi MLS club LAFC nen sawizawm mek a ni bawk. Chhuak lo pawh ni se a man hu (£8.5m) ah a ni aia play tha an awm nual.
Matheus Cunha (£8.0m): Season hmasa a a score en chuan Cunha hi lak chakawm tak tur a ni. Ama'rawhchu, Manchester United hian an match hmasa 5 ah Arsenal, Manchester City leh Chelsea te an tum nghal dawn. Nakin zel thlira thlan atana tha tur ni mahse, first draft a lak nghal erawh a fuh ber awm lo ve.